Category: എന്റെ കവിതകൾ

അവസാനമായി എന്റെ സ്വപ്നത്തിൽ ഒരു മഴ പെയ്തു തോർന്നപ്പോൾ പെയ്തൊഴിയാൻ കണ്ണുകളിൽ- വിതുമ്പിനിന്നൊരു കണ്ണുനീർത്തുള്ളി എന്റെ കൈത്തലത്തിൽ വന്നു വീണു. പെട്ടെന്ന് കയ്യെടുത്തു മാറ്റിയ ഞാനറിഞ്ഞു അത് ഒരു മഴത്തുള്ളിയാണെന്ന്. പെട്ടെന്ന് ആർത്തലച്ചു ഞാനും പെയ്തൊഴിഞ്ഞു ഒരു മഴമേഘമായ് അവസാനത്തെ തുള്ളി ഹൃദയത്തിൽ സൂക്ഷിച്ചുവച്ചു, എല്ലാവരിൽ നിന്നുമൊളിപ്പിച്ച്....

ഒരിടത്തൊരിക്കൽ ഒരു അമ്പിളി ഉണ്ടായിരുന്നു അവളുടെ ഹൃദയം തകർന്നതായിരുന്നു. ചുറ്റും നിന്ന് തിളങ്ങിയ താരങ്ങളോട് അവളുടെ ഹൃദയവേദന പറയുമായിരുന്നു മുറിവേറ്റ ഹൃദയം കാട്ടി കരയുമായിരുന്നു. സ്വയം കത്തിജ്വലിച്ചുനിന്ന താരങ്ങളെല്ലാം മുതലക്കണ്ണീർ കാട്ടി അവളെ വിശ്വസിപ്പിച്ചു, അവളുടെ അവസ്ഥയിൽ അവർക്ക് ദുഃഖമുണ്ടെന്ന്. എന്നാൽ സത്യത്തിൽ അവളെ ആരും- തിരിഞ്ഞുനോക്കിയില്ല...

നിനക്കോർമയുണ്ടോ, അമാവാസി രാവുകളിലും ഞാൻ നിനക്കായ് മാത്രം തെളിഞ്ഞുനിന്ന ഒരു ആകാശമുണ്ടായിരുന്നു. അവിടെയായിരുന്നല്ലോ യുഗങ്ങൾക്കുശേഷം നമ്മൾ കണ്ടുമുട്ടിയത്. അവിടെയിപ്പോൾ എന്നും അമാവാസിയാണ് നീ വരവ് നിർത്തിയ രാത്രി മുതൽ. കരിന്തിരിയായ് ഞാൻ എരിഞ്ഞുതുടങ്ങി നിന്റെ വരവും കാത്ത്. നിനക്കൊരുപക്ഷേ അനേകം യുഗസന്ധ്യകൾ കൊഴിഞ്ഞിരിക്കാം പക്ഷെ ഞാനിന്നും ആ...

ഒരു പ്രപഞ്ചം കീഴടക്കിയ തോന്നലായിരുന്നു ഒരുപാട് യുദ്ധങ്ങൾക്കൊടുവിൽ നീയെൻ മുന്നിൽ പരാജിതനായ നിമിഷം നീയെന്റെ മനസ്സ് കവർന്ന നിമിഷം. അന്ന് നമ്മളിരുവരുമൊരുമിച്ചു തീർത്ത നമ്മുടെ നിഗൂഢപ്രപഞ്ചത്തിൻ യവനികയ്ക്കപ്പുറം അനേകായിരം കൊള്ളിമീനുകൾ പൊഴിയുന്നുണ്ടായിരുന്നു,  ഇരുമനസ്സുകളുടെ താളത്തിനൊപ്പം. പിന്നീടെന്നോ ഒരു നാൾ പതിയെ തോന്നി തുടങ്ങി ആ യുദ്ധങ്ങളെല്ലാം വെറുതെയായിരുന്നുവെന്ന്...