എന്റെ പൂങ്കാവനം

സ്വപ്നങ്ങളിലെനിക്കൊരു പൂങ്കാവനം നൽകണം
കളികൂട്ടുകാരനായ് നീയുമണയണം.
അവിടെ നമുക്കൊരു കളിവീടൊരുക്കാം
മഴമേഘമെത്തുംവരെ കളിച്ചുല്ലസിക്കാം.
കിളികളെയും പൂക്കളെയും കൂട്ടിനു വിളിക്കാം.
ഒടുവിൽ, നീ പോകുമോ എന്നോർത്ത്
മിഴികൾ തുറക്കാതിരിക്കാൻ
ഞാൻ മരണത്തിനു കൂട്ടുപോകാം.
എൻ കൺപീലികളിൽ തങ്ങുക
നിനക്ക് കഴിയും വരെ
എന്റെ സ്വപ്നമായ്
എന്റെ പൂങ്കാവനമായ്
എന്റെ മഴമേഘമായ്

Image source: Pixabay