നീ എന്നെ അറിയുമോ?

നിനക്കെന്നെ ശരിക്കും അറിയാമോ
ഒരിക്കലെങ്കിലും എന്നരികിൽ വന്നിട്ടുണ്ടോ?
നീയെന്ന പ്രപഞ്ചത്തിൽ മാത്രമായി
ഞാൻ ഒതുങ്ങികൂടുമ്പോഴും
എന്റെ പ്രപഞ്ചം മുഴുവനായ്
നിനക്ക് നൽകുമ്പോഴും
ഒരു ചോദ്യം മാത്രം……
നീ എന്നെ അറിയുമോ?
ഒരിക്കലെങ്കിലും കണ്ടിട്ടുണ്ടോ
ഈ പ്രപഞ്ചത്തിന്റെ ഒരു കോണിൽ
നിന്നെയും കാത്തുകഴിയുന്ന
എന്റെ അസ്തിത്വം
നീയറിയുന്നുണ്ടോ?
ഈ ചോദ്യത്തിനുപോലും
എന്റെ പക്കൽ ഉത്തരമില്ല

Image source: Pixabay