ഹൃദയ സ്പന്ദനങ്ങൾ

“മറ്റൊരു ലോകത്തിൽ നമ്മൾ-
വീണ്ടും കണ്ടുമുട്ടിയാലോ…..
പല കഥകളിലൂടെ അവിടെയെത്തി,
പിന്നീട് അവിടുന്ന് ഒരുമിച്ചൊരു യാത്ര അങ്ങോട്ട്….❣️💫”

“നിനക്ക് പകരം വയ്ക്കാൻ ഒന്നുമില്ല ഈ ലോകത്ത്
ഈ ഞാൻ പോലും…..”

“എന്നോട് എന്തെങ്കിലും സംസാരിച്ചിരുന്നുകൂടെ?
ഇങ്ങനെ മിണ്ടാതിരുന്നാൽ
നമുക്കിടയിലെ നിശബ്ദത എല്ലാരും കേട്ടാലോ!
വാക്കുകൾ ഇല്ലായിരിക്കാം നമുക്കിടയിൽ
ഹൃദയസ്പന്ദനങ്ങളുണ്ട് ഒരുകടലോളം
പരസ്പരം അറിയുന്നുണ്ട് എല്ലാമെല്ലാം.
എന്നാലും തിരമാലകളെക്കാൾ ശക്തമാണ്
അതിന്റെ മാറ്റൊലികൾ
മറ്റാരെങ്കിലും കേട്ടാലോ!”

“നീ തരുന്ന ഹൃദയ സ്പന്ദനങ്ങൾ…..
മറ്റാർക്കും നൽകാൻ കഴിയാത്തവ….”

“ഞാനെപ്പൊഴെങ്കിലും
പെയ്യാൻ മറന്നൊരു മഴയായ് നിന്നുപോയാൽ,
എന്നെ നൊമ്പരപെടുത്താൻ
ഒരു വാർമുകിലായ് മാറും നീ”

“മനസ്സിന്റെ കണ്ണുകൾക്ക്
ഒരാൾ പ്രിയപ്പെട്ടതാവുമ്പോഴും
പഴി എപ്പോഴും ഇരു മിഴികൾക്ക്….
കണ്ടിഷ്ടപ്പെട്ടതെന്തിനെന്ന് ചോദിച്ച്,
ഉത്തരം പറയേണ്ടതോ
ചുണ്ടുകളും!!!”

“കാറ്റ് വിളിക്കുന്ന ദിക്കിലേക്കൊഴുകിയാലും
അനേകം വർണങ്ങളിലലിഞ്ഞു ചേർന്നാലും
തിര ഒരിക്കലും തീരത്തെ മറക്കുന്നില്ല
കാരണം കണ്ടെത്തി വന്നെത്തിനോക്കിപോവും”

“നിന്റെ ആത്മാവിന്റെ ഒരംശമായ്
നിന്നുള്ളിൽ എവിടെയോ ഞാനുണ്ട്
ഒന്ന് തിരഞ്ഞു കണ്ടുപിടിക്കുകയേ വേണ്ടൂ”

“നിൻ ശ്വാസത്തിനുള്ളിലാണ് എനിക്ക് ജീവൻ വയ്ക്കുന്നത് തന്നെ”

“വാക്കുകൾ പൊഴിയാം
പൂക്കൾ കൊഴിയാം
സന്ധ്യകൾ അസ്തമിക്കും
എങ്കിലും
നിനക്കായുള്ള കാത്തിരിപ്പിന് മാത്രം
ഇല്ല ഒരു അന്ത്യയാമം”