ചില ചിന്തകൾ

“ഒരുപാട് നഷ്ടങ്ങളാകുമ്പോൾ ബാക്കി നഷ്ടങ്ങൾ കൂടി സ്വീകരിക്കാമെന്ന് മനസ്സ് വിശ്വസിക്കുന്നു”

“മനസ്സിലാക്കപ്പെടുന്ന സത്യങ്ങളുടെ എണ്ണത്തേക്കാൾ വളരെയേറെയാണ് മനസ്സിലാക്കപ്പെടാതെ പോകുന്നവ!”

“ചിലപ്പോൾ ഉപകാരത്തിനായി ഒരാൾക്ക് നല്ലതുചെയ്യുന്നത് തന്നെയാവും അയാൾക്ക് ഏറ്റവും ദോഷമായി ഫലിക്കുക”

“സുപരിചിതമായ എത്രയോ മുഖങ്ങൾ നമ്മൾ പോലുമറിയാതെ ഈ ലോകത്തോട് വിടവാങ്ങുന്നുണ്ട്. അതിൽ പലരുടെയും മുഖം ഓർത്തെടുക്കാൻ പോലും കഴിയാറില്ല.”

“നിഗൂഢമായ പല സത്യങ്ങളും അറിയാതെ കടന്നു പോകുന്നതുകൊണ്ടാവാം ഈ ലോകം  വലിയ കുഴപ്പങ്ങളില്ലാതെ ഇങ്ങനെയൊക്കെയങ്ങ് പോകുന്നത്”

“നീ പ്രിയനല്ലാർക്കുമെങ്കിലും
നിനക്കപ്രിയനായില്ലൊരാൾ പോലും – മരണം”

“പ്രിയ മിഥ്യകളെക്കാളും എപ്പോഴും നല്ലത്  അപ്രിയ സത്യങ്ങളല്ലേ? “

“ലക്ഷ്യം അപ്രാപ്യമെന്നെൻ അന്തരംഗം
മന്ത്രിക്കുമെങ്കിലുമെന്തേ എൻ മനം
മഴവില്ലിൻ ചാരുതയാൽ സ്വപ്‌നങ്ങൾ നെയ്തുകൂട്ടുന്നു?”

“ഇൻഫിനിറ്റിക്കപ്പുറം ഒരു ലോകമുണ്ടെന്ന് സങ്കല്പിച്ചിട്ടുണ്ട് പലപ്പോഴും, ഒരുപക്ഷെ നമുക്കെല്ലാം ചിരപരിചിതമായ മറ്റൊരു ലോകം…..”