Author: Sandy

നീയില്ലാതെ എനിക്കൊരു അസ്തിത്വം ഇല്ല എന്ന് തോന്നുന്നു. മറ്റുള്ളവർ എനിക്ക് നൽകിയ സ്നേഹവായ്പുകൾ നിന്നോടുള്ള ഇഷ്ടത്തിന്റെ ഒരു അംശം മാത്രമെന്ന്- തിരിച്ചറിഞ്ഞ നിമിഷം എല്ലാവരും എന്നെ അനാഥയാക്കി പോയി. നീ ഈ പൊഴിഞ്ഞ താരകത്തെ കൈവിട്ടു എന്നവർ മനസ്സിലാക്കിയിരുന്നു. അവർ സ്നേഹിച്ചത് നീയെന്ന ആകാശത്തെ മാത്രമായിരുന്നു! എനിക്കായ്...

അവസാനമായി എന്റെ സ്വപ്നത്തിൽ ഒരു മഴ പെയ്തു തോർന്നപ്പോൾ പെയ്തൊഴിയാൻ കണ്ണുകളിൽ- വിതുമ്പിനിന്നൊരു കണ്ണുനീർത്തുള്ളി എന്റെ കൈത്തലത്തിൽ വന്നു വീണു. പെട്ടെന്ന് കയ്യെടുത്തു മാറ്റിയ ഞാനറിഞ്ഞു അത് ഒരു മഴത്തുള്ളിയാണെന്ന്. പെട്ടെന്ന് ആർത്തലച്ചു ഞാനും പെയ്തൊഴിഞ്ഞു ഒരു മഴമേഘമായ് അവസാനത്തെ തുള്ളി ഹൃദയത്തിൽ സൂക്ഷിച്ചുവച്ചു, എല്ലാവരിൽ നിന്നുമൊളിപ്പിച്ച്....