വിരഹം/വേദന

“മടക്കി വിളിക്കും എന്ന പ്രതീക്ഷയിൽ പിണക്കം നടിച്ചകലാം. പക്ഷെ അതിനായ് അവർ കാത്തിരിക്കുകയായിരുന്നു എന്ന് തിരിച്ചറിയാതെ വന്നാലോ?”

“എന്റെ ഹൃദയം നിന്നെ ഏൽപിച്ച് മടങ്ങണം ഈ ലോകത്ത് നിന്ന്…
എൻ ഹൃദയ തുടിപ്പുകൾ നിനക്ക് പകർന്ന് നൽകികൊണ്ട്…..”

“കൊടുംകാറ്റുകൾ ഉള്ളിലൊതുക്കുന്നവരെ അസ്വസ്ഥരാക്കാൻ കുഞ്ഞിളംകാറ്റിനു കഴിഞ്ഞേക്കാം. അതെപ്പോഴും അങ്ങേനെയാണ്, വലിയ ദുഃഖങ്ങൾ താങ്ങുന്നവർക്കസഹനീയം നിസാര കാര്യങ്ങളാവും “

“വലിയ വേദനകളെ കുഞ്ഞു നൊമ്പരങ്ങളായ് പ്രകടിപ്പിക്കുന്നു ചിലർ…..”

“എനിക്കായ് മാത്രം തുളുമ്പേണ്ട നിൻ ആർദ്ര മിഴികളിൻ
ആഴങ്ങളിൽ കാണുന്നത്
എനിക്കായ് നീ കരുതിവച്ച
ജന്മാന്തരങ്ങളിൽ അലിഞ്ഞില്ലാകാത്ത വെറുപ്പിൻതുള്ളികൾ”

“മിഴിയിമകൾ അറിയാത്ത കണ്ണുനീർതുള്ളികൾക്ക്
ആഴം കൂടുതലാണ്
നീറ്റൽ കൂടുതലാണ്”

“ഇരുകരകളായ് നാം ഒഴുകിയേനെ
രണ്ടു ദ്രുവങ്ങളിൽ ചെന്നെത്തി ചേർന്നേനെ
നീ എന്നെ അന്ന് പിടിച്ചുനിർത്തിയില്ലായിരുന്നെങ്കിൽ”

“ചിലർക്ക് നഷ്ടങ്ങൾ മാത്രമാണ് എപ്പോഴും വിധിക്കപ്പെട്ടിട്ടുള്ളത്
അതിനുത്തരവാദികൾ അവർ അല്ലെങ്കിലും”

“ആഴം കൂടുമ്പോഴാണോ സ്നേഹം അളക്കപ്പെടാൻ കഴിയാതെ പോവുന്നത്?”

“ആഴം കൂടുമ്പോളാണ് സ്നേഹം അറിയപ്പെടാതെ പോകുന്നത് എന്നൊരു തോന്നൽ!!! അത് എന്റേതുമാത്രമോ? സ്നേഹം കൂടുമ്പോൾ പ്രകടനങ്ങൾ കുറയും, അതാണ് കാര്യം…..
നഷ്ടപ്പെടും എന്ന് ഉള്ളിൽ പേടി തോന്നുന്നവരെയാണ് നാം പിടിച്ചു നിർത്താറ്, പ്രകടനങ്ങളിലൂടെ”

“ജീവിതം വീണ്ടും ജീവിക്കാൻ/ജീവിച്ചു തീർക്കാൻ ശ്രമിച്ചു തുടങ്ങിയത് ആ നിമിഷം മുതൽ…..
നിനക്ക് ഞാനാരുമല്ല എന്ന് നീ തീർത്തു പറഞ്ഞൊഴിഞ്ഞ സായാഹ്നം മുതൽ…..   “

“എന്നിലെ കടലോളം സ്നേഹത്തിൻ
ഒരു കുമ്പിലെങ്കിലും
നിൻ ഹൃദയത്തിൽ നീ കരുതിയെങ്കിൽ
ഭൂമിയിൽ എനിക്കായ് ഒരു സ്വർഗം നീ തീർത്തേനേ” 

“വളരെ നിസാരമായ കാര്യങ്ങൾക്ക്പോലും പിണങ്ങി പിരിയുന്നവർ ഉണ്ടാവാം. അത്തരം അനിശ്ചിത ബന്ധങ്ങളെ നിലനിർത്താൻ ശ്രമിക്കേണ്ടതില്ല എന്നാണ് എനിക്ക് തോന്നിയിട്ടുള്ളത് “

“ഒന്നും അലട്ടിയിരുന്നില്ല എന്നെ
സങ്കടങ്ങൾ, ആവലാതികൾ,
വർത്തമാനം, ഭാവി… ഒന്നും
.
.
.
.
നീ എന്നരികിലുണ്ടായിരുന്നപ്പോൾ”

“ഒരു ഇഷ്ടക്കേട് കണ്ടാൽ ഒഴിഞ്ഞുമാറി പോവുന്നവർ ഉണ്ട്. എന്നാൽ ചിലർ അങ്ങനെയല്ല, അവർ പ്രതികാരം ചെയ്യും, ഉറ്റവരോട് പോലും. അത്തരക്കാരെ സൂക്ഷിക്കണം.”