പ്രണയം

“നിൻ സാമീപ്യത്തിന്‌ അരുളാൻ കഴിയാത്ത സുഗന്ധം/സൗന്ദര്യം നിൻ ചിന്തകൾക്കുണ്ട് “
OR

“നിൻ സാമീപ്യത്തിന്‌ അരുളാൻ കഴിയാത്ത സുഗന്ധം നിൻ ചിന്തകൾക്കുണ്ട്, സൗന്ദര്യവും”

“നിന്നെ ഞാനെപ്പോഴും ഭ്രാന്തമായ് ഒളിപ്പിക്കുന്നത്,
മഴവില്ലിലെ കാർമേഘവർണത്തിനുള്ളിൽ”

“എത്ര വായിച്ചാലും തീരാത്ത ഒരു പുസ്തകമാണ് നീ
വായിച്ചു പോകുമ്പോൾ നീ പോലുമറിയാതെ
കുറച്ചു വാക്കുകൾ എഴുതിച്ചേർക്കണമെനിക്ക്
അടുത്ത പ്രാവശ്യം വാക്കുകൾക്കൊപ്പം ചേർത്ത് വായിക്കാൻ”

“ചിലപ്പോഴെങ്കിലും ചില താരങ്ങൾ ഇറങ്ങിവരാറുണ്ട്
മുറിഞ്ഞുപോയ കഷ്ണങ്ങളെ ഭൂമിയിൽ തിരയാൻ.
ചിലപ്പോൾ ചില യുഗങ്ങൾക്ക് പിന്നിൽ നഷ്ടപെട്ടവയാവാം
ചിലപ്പോൾ എവിടെയോ വച്ച് മറന്നുപോയതാവാം
ചില കഥകൾ ബാക്കിവച്ചാവാം മടങ്ങിയത്.
ആ തിരിച്ചുവരവിൽ കഥകൾ തുടർകഥകളാവാം
മുറിഞ്ഞുപോയ ചില ബന്ധങ്ങൾ പുനഃസ്ഥാപിക്കപ്പെടാം”

“പൊട്ടിത്തെറികൾക്ക് ശേഷവും ബന്ധങ്ങൾ നിലനിൽക്കുന്നത് ഉള്ളിലെ സ്നേഹം പൊട്ടലിനും ചീറ്റലിനും ശേഷം പ്രകടിപ്പിക്കുന്നതുകൊണ്ട്…….”

“മീരയുടെ ആത്മാവ് ഉറങ്ങുന്നത് കൃഷ്ണന്റെ ഹൃദയത്തിനുള്ളിൽ ……. “

“വാഗ്ദാനമാണ് ചിലർക്ക് പ്രണയം, ഒരു വാക്കിലൂടെ എല്ലാം നഷ്ടപ്പെട്ടേക്കാം എന്ന് അറിയാമായിരുന്നിട്ട് കൂടി ” #സതി #ശിവ

“സ്നേഹം ഒരിക്കലും ഭിക്ഷയായ് കൊടുക്കരുത്, വാങ്ങരുത്….. മറ്റൊരാൾക്ക് ഭിക്ഷയായ് കരുതരുത് !!!!”

“ഒരു കടലോളം സ്നേഹം ഉള്ളിൽ കരുതിയിട്ടും നീ എന്തേ കാലമിത്രയും മൂകസന്ധ്യ പോൽ മൗനിയായി?”

“ഒരേപോലുള്ള എത്ര പേരെ സ്നേഹിക്കാൻ കഴിയും?”

“അകലെയാണോ അരികെയാണോ എന്നുപോലും തിരിച്ചറിയാനാകാത്ത
ഒരു മഞ്ഞുപടം പോലെ നിൽക്കുന്ന ചിലർ”

“അകലുമോ എന്ന് ഭയപ്പെട്ടിട്ട് മാത്രമോ ഈ കാലമത്രയും നീ എന്നിൽ നിന്നും അകലം അഭിനയിച്ച്‌ നിന്നത്?”

“ഒരാളുടെ മനസ്സിൽ ഇടം കണ്ടെത്താനും അത് നഷ്ടപ്പെടാനും അധിക സമയമൊന്നും വേണ്ട “

“നിനക്കെങ്ങനെ വായിക്കുവാൻ കഴിയുന്നു
എന്റെ ഹൃദയമിടിപ്പുകൾ,
എന്റെ വാക്കുകളെക്കാളും…..
എന്റെ മൗനങ്ങളെക്കാളും…..?”

“ഇത്രയും സ്നേഹം കൊടുക്കുന്ന ഒരാളെ ഒഴിവാക്കി പോകണമെങ്കിൽ അതിനു കാരണമുണ്ട് “

“നീയെന്റെ ശിശിരങ്ങളിലെ വസന്തമാണ്“

“നീയെന്റെ രാത്രിമഴയാണ്,
തോരാതെ പെയ്യുന്ന രാത്രിമഴ
ഞാൻ അതിലെ മിന്നൽ പിണറുകളും”

“നിമിഷവ്യത്യാസത്തിൽ ആയിരം പ്രണയങ്ങൾ
പിറവിയെടുത്തൊടുങ്ങുന്ന ഈ ലോകത്തിൽ
നമ്മളിരുവരും ആവർത്തിച്ചു പിറന്നു ആയിരം നിമിഷങ്ങളിൽ
നമ്മുടെ പ്രണയവും പുനർജനിച്ചു പലകുറി”

“എത്ര പ്രാവശ്യം നിന്റെ ഹൃദയത്തിൽ മരിച്ചു പുനർജനിച്ചിട്ടുണ്ട് ഞാൻ”

“ഇന്ന്…. നീയാണ് എന്റെ ഏറ്റവും വലിയ നൊമ്പരം
ഏറ്റവും വലിയ ആനന്ദവും”

“തിര പോലെ എത്ര ഓടിയകന്നാലും നിന്നിലേക്കടുപ്പിക്കുന്ന കടലിന്റെ മനസ്സാണ് നീ”

“ചില ഓർമകൾക്ക് തീയേക്കാൾ തീഷ്ണത ഉണ്ട് “

“അപരിചിതരായി പ്രണയിക്കുന്നവർ നാം “

“നിൻ സാമീപ്യമരുളും ചന്ദനകാറ്റിൻ സുഗന്ധം
എന്നോർമകളിൽ തങ്ങും നിൻ പൂനിലാപുഞ്ചിരി”

“നിൻ വിരൽത്തുമ്പന്നു തൊട്ട നിമിഷം
എൻ മനമോ അറിഞ്ഞതില്ല
എനിക്ക് നഷ്ടമാവാൻ പോവുന്നത്
നിൻ കരത്തിൻ ചുടുത്തണലിനെ എന്ന് “

“കണ്ണുകൾ കൊണ്ട് എത്താൻ പറ്റാത്ത അകലങ്ങളിൽ നിൽക്കുന്ന ചില മനുഷ്യരുണ്ട്, ബന്ധങ്ങളുണ്ട്”

“എനിക്കൊരിക്കലും നേടാൻ കഴിയാതെ പോയത്…
ധൈര്യം….!!!
നിന്നിൽ നിന്നും അകലുവാനായി”

“വീണ്ടും അപരിചിതരായി കണ്ടുമുട്ടും വരെ …..
വിട …..”