പ്രകൃതി

“പ്രകൃതിയും പുഴകളും ഈ പച്ചപ്പും എല്ലാം ഒരു മായുന്ന സ്വപ്നം പോലെ… എല്ലാത്തിനും ഇനി മഴയത്തുകൊഴിയുന്ന ഈയലുകളുടെ ആയുസു മാത്രം”

“ഈ ലോകത്ത് നിശ്ചലമായ ഒന്നും തന്നെയില്ല, ഭൂമിയും ആകാശവും മേഘങ്ങളും നക്ഷത്രങ്ങളും. ഹൃദയത്തിനുപോലും നിശ്ചലമായി കുറച്ചുനേരം/ഒരു നിമിഷം നിൽക്കാൻ പറ്റില്ല, പിന്നല്ലേ സ്ഥായിയായ ദുഃഖം!”

“ഈയലിന്റെ ചിറകിന് ആയുസ്സ് പിറന്നുവീണ് മണിക്കൂറുകൾ മാത്രം. പിന്നെ വേണേൽ തന്നെ ആകർഷിച്ച വിളക്കിനെ പഴിചാരാം, ഘാതകനെന്നു ലോകത്തെ വിശ്വസിപ്പിക്കാം”

“ഒന്നിനും സ്ഥിരത ഇല്ല ഈ ലോകത്ത്…. ഇന്ന് കാണുന്ന നീലാകാശമല്ല നാളെ കാണുന്നത്. കാഴ്ചകൾ മാറി മറിയുന്നു, കാഴ്ചക്കാരന് അത് മനസിലായില്ലെങ്കിലും “

“കൊന്നപ്പൂകാലം അണയുകയായ് വീണ്ടും
പുതുവർഷത്തിൻ പുലരിയിൽ ഉണരും വിഷുപക്ഷികളും…….
മഞ്ഞവർണത്തിൽ നീരാടി മറ്റൊരു
മേടരാശിയിൻ നാന്ദി കുറിക്കുവാൻ”

“പരാജയങ്ങൾ സ്വയം ഏറ്റുവാങ്ങുമ്പോൾ പൊരുതാനുള്ള അവസാന ശ്രമമാണ് അടിയറവ് വയ്ക്കുന്നത്, തീരത്തണയും തിര പാറക്കെട്ടിൽ സ്വയം തലതല്ലിച്ചിതറും പോലെ”