പകലിന്റെ പ്രണയം

രാവെപ്പൊഴും പകലിനെ കൊതിക്കും
നിലാവിന്റെ വെളിച്ചത്തിൽ ഒരു രാത്രി മുഴുവൻ
കൺചിമ്മും നക്ഷത്രങ്ങളോട് –
പകലിനെ കുറിച്ച് സംസാരിച്ചിരിക്കും.
പകൽ വരുമ്പോൾ ആ നടപ്പാതയിൽ എവിടെയെങ്കിലും
അവളുടെ ഒരു നോട്ടവും പ്രതീക്ഷിച്ചവൻ നിൽക്കും.
എന്നാൽ തിരിഞ്ഞൊന്നു നോക്കുക പോലും ചെയ്യാതെ
അവൾ നടന്നകലും
കാരണം അവൾ ആഗ്രഹിക്കുന്നത്
നിലാവിന്റെ ശീതളഛായയുള്ള ചന്ദ്രനെയല്ല,
മറിച്ച്‌ കൈയ്യെത്താദൂരത്ത് നിൽക്കുന്ന സൂര്യനെയാണ്.
അവൾ ഓടി കിതച്ചെത്തുമ്പോഴേക്കും
അവൻ കടലിലെവിടെയെങ്കിലും ഒളിച്ചിട്ടുണ്ടാവും……