നിനക്ക് സ്വന്തം……

by Sandy · January 22, 2017

കവിതകളിൽ ഉണരുന്ന കദനത്തിൻ പല്ലവികൾ
നിഴലുകളിൽ നിറയുന്ന വിഷാദത്തിൻ കാൽപ്പാടുകൾ
സ്‌മൃതികളിൽ ശ്രുതിയിട്ട വിരഹത്തിൻ കാലൊച്ചകൾ
നിറമിഴിയിൽ നറുമുത്താം ഹൃദയത്തിൻ മുറിപ്പാടുകൾ
താമസ്സിങ്കൽ തിരിതാണ മനസ്സിന്റെ മണിദീപങ്ങൾ
സുഖനിദ്രയിൽ അലിഞ്ഞോരാ ജീവന്റെ സ്വപ്‌നങ്ങൾ
കാത്തിരിപ്പിൻ തിരശീലയിട്ട ചിതറിയ വിശ്വാസങ്ങൾ
മൗനത്തിൻ ഇടനാഴിയിൽ കൊഴിഞ്ഞൊരാ പദവിന്യാസങ്ങൾ
ഒന്നുമില്ലെന്നോർതെന്തേ എറിയുന്നു നീ വ്യഥാ
കൂട്ടായില്ലേ നിനക്കായ് മാത്രം ഇവയെല്ലാം എന്നുമെന്നും…..

Image source: Pixabay

(Visited 127 times, 1 visits today)