നിനക്കായ് തെളിയിച്ച ആകാശം

നിനക്കോർമയുണ്ടോ,
അമാവാസി രാവുകളിലും
ഞാൻ നിനക്കായ് മാത്രം തെളിഞ്ഞുനിന്ന
ഒരു ആകാശമുണ്ടായിരുന്നു.
അവിടെയായിരുന്നല്ലോ
യുഗങ്ങൾക്കുശേഷം നമ്മൾ കണ്ടുമുട്ടിയത്.
അവിടെയിപ്പോൾ എന്നും അമാവാസിയാണ്
നീ വരവ് നിർത്തിയ രാത്രി മുതൽ.
കരിന്തിരിയായ് ഞാൻ എരിഞ്ഞുതുടങ്ങി
നിന്റെ വരവും കാത്ത്.
നിനക്കൊരുപക്ഷേ അനേകം
യുഗസന്ധ്യകൾ കൊഴിഞ്ഞിരിക്കാം
പക്ഷെ ഞാനിന്നും
ആ വഴിയരികിൽ നിൽക്കുന്നത്
വഴിതെറ്റിയെങ്കിലും
നീ ഒരു നാൾ വരുമെന്ന പ്രതീക്ഷയിൽ

Image source: Pixabay