അവളുടെ ചന്ദ്രൻ

അമാവാസിയിൽ നിന്നും പൂർണചന്ദ്രനിലേക്കുള്ള യാത്രയായിരുന്നു
അനുദിനം വളരുന്ന അവളുടെ സ്നേഹം.
അസ്തമയസൂര്യൻ വാരിവിതറുന്ന
കടും കുങ്കുമചായങ്ങൾപോലെയായിരുന്നു
അവളുടെ മനസ്സപ്പോൾ.
സായാന്ഹനത്തിൽ കാർമേഘക്കെട്ടുകൾ പോൽ
ചിതറിക്കിടക്കുന്ന പല ചിന്തകൾക്കിടയിലും
അവൾക്കവളുടെ ചന്ദ്രനെ കാണാമായിരുന്നു.
ഓരോ ദിനവും യാത്ര ചൊല്ലി പിരിയുമ്പോഴും
ഓരോ രാത്രി അതിന്റെ ആഗമനം അറിയിക്കുമ്പോഴും
അവൾക്ക് എപ്പോഴും പ്രിയം
താരങ്ങളുടെ നടുക്ക് തിളങ്ങിയ ചന്ദ്രനായിരുന്നു

Image source: Pixabay