യാത്രകളും മടക്കയാത്രകളും

“ചില അനുഭവങ്ങൾ പകർന്നു നൽകാൻ വേണ്ടി മാത്രം ചില യാത്രകൾ, പിന്നീടുള്ള ജീവിതകഥയുമായ് യാതൊരു ബന്ധവുമില്ലാത്തവ….”

“ജീവിത യാത്രക്കിടയിൽ എത്രപേരെ കണ്ടുമുട്ടുന്നു പരിചയപ്പെടുന്നു.
അത് പലപ്പോഴും ഒരു പരിചയം പുതുക്കൽ മാത്രമെന്ന് എത്രപേർ തിരിച്ചറിയുന്നുണ്ട്?”

“ചെറിയ യാത്രകളാണ് പലപ്പോഴും ജീവിതം തന്നെ മാറ്റിമറിയ്ക്കുന്നത്”

“എല്ലാ യാത്രകൾക്കും മടക്കയാത്ര ഇല്ല”

യാത്രകളും മടക്കയാത്രകളും

“ചില യാത്രകൾ അങ്ങനെയാണ്
ഒരു മടക്കയാത്ര ഉണ്ടാവില്ല…….”

“മടക്കയാത്ര എളുപ്പമാണ്, പോയ വഴികൾ ഓർമയുണ്ടെങ്കിൽ…….”

“മായുന്ന ഓർമ്മകൾ പലപ്പോഴും കൈപിടിച്ച് കൂടെ കൊണ്ടുപോകുന്നത്
പിരിഞ്ഞുപോയ പലരുടെയും അവസാന ശേഷിപ്പുകളെ
പിന്നെല്ലാം പഴയ പടി,
പുതിയ കഥകൾ പുതിയ ബന്ധനങ്ങൾ “

“എനിക്കൊന്നുറങ്ങണം 
നീയില്ലാത്ത ഒരു ലോകത്തേക്ക് മടങ്ങാനായി
നീ തന്ന വേദനകളെ സ്വാതന്ത്രരാക്കി കൊണ്ട്
നീ കാണാത്ത അകലങ്ങളിൽ എത്തിച്ചേരാൻ”

“മടങ്ങിയെത്താൻ എനിക്ക് കൊതിയില്ലാതെയല്ല
പക്ഷെ നമുക്കിടയിൽ കാലം വളരെ ദൂരം സഞ്ചരിച്ചിരിക്കുന്നു “

“നിശബ്ദമായ വേദനകളിൽനിന്ന്
ഞാൻ പൊഴിക്കുന്ന കണ്ണുനീർ മുത്തുകൾ കോർത്ത്
ഒരു മാല നിനക്ക് സമ്മാനിക്കണം
അതിനു നീ എന്റെ പേരിടണം”

“പ്രിയരിൽ ചിലർ നമ്മുടെ ജീവിതത്തിൽ നിന്നും തിരിച്ചുപോകുമ്പോൾ നമ്മുടെ ചില പ്രിയ ഇഷ്ടങ്ങളെയാവും കൂടെ കൂട്ടുക …”

“തിരിച്ചൊരു യാത്ര വേണ്ട എനിക്കിനി
ഇന്നലകളിലേക്ക്……
എനിക്കായ് നിന്നിന്നലെകളിലെ
ഹൃദയത്തുടിപ്പുകളുടെ 
ഒരു കണക്കെടുപ്പ് നടുത്തുവാൻ…….”

“പോകേണ്ടവരൊക്കെ പോകുമല്ലേ
ഒരു വാക്കുരിയാടാനുള്ള ഔചിത്യവും പ്രതീക്ഷിക്കേണ്ട”

“തിരഞ്ഞെടുത്ത വഴി തെറ്റിപ്പോയി എന്ന് സ്വയം പഴിച്ച് നിന്നുപോകാം പല സാഹചര്യങ്ങളിലും. ചിലപ്പോൾ അവിടുന്ന് സഞ്ചരിക്കേണ്ടത് ഒരു പുതിയ വഴിയാകാം. കണ്ടെത്തുക. യാത്ര തുടരുക “

“പാഴാക്കുന്ന ഓരോ നിമിഷത്തിനും ഒരു മടക്കയാത്ര ഇല്ല. ഓരോ നിമിഷത്തിനും കോർത്തിണക്കാൻ ഒരു കഥ സമ്മാനിച്ച് സന്തോഷത്തോടെ പറഞ്ഞു വിടുക. “

“ചില മാറ്റങ്ങൾ തിരിച്ചറിയാൻ ഒരുപാട് കാലങ്ങൾ സഞ്ചരിക്കേണ്ടി വന്നേക്കാം “

“സഹയാത്രികർ,
യാത്രക്ക് കൂടെ കൂട്ടുന്നവർ…
വഴിയിൽ വച്ച് കണ്ടുമുട്ടുന്നവർ…
പലപ്പോഴും
ഒരു വാക്കുപോലും പറയാതെയാണ്
യാത്രയാവുന്നത്”

“വിട ചൊല്ലൽ ഒരു പ്രോസസ്സ് ആണ്
ഒറ്റ വാക്കിലോ ഒറ്റ നാളിലോ സംഭവിക്കുന്നതല്ല
അതങ്ങനെ കൂടി കൂടി പോയിന്റിൽ എത്തിച്ചേരും
പിന്നീടവിടെ ഒരു വാക്കു പോലും വേണമെന്നില്ല, വിട ചൊല്ലാൻ”

“ഓരോ യാത്രകൾ ഓരോ അനുഭവകഥകൾ
അവ സൂക്ഷിച്ചു വച്ചോളൂ….
വീണ്ടും ആ വഴി വരുമ്പോൾ
ഇടറിവീഴാതിരിക്കാൻ……”

“നിഴലിനു പിന്നാലെ അലഞ്ഞു
നിഴലായ് മാറും മുമ്പ്
തിരിച്ചൊരുവട്ടം നോക്കീടേണം
തിരിനാളം എന്നെന്നേക്കുമായി
അണയുന്നൊരു ദിനം മുന്നേ”

“എന്റെ കണ്ണീരിൻ കൈയൊപ്പ് പതിഞ്ഞ വാഴതാരകളിൽ
എൻ കണ്ണീർ കൊഴിഞ്ഞ കണ്ണീർ പാടങ്ങളിൽ
ഞാൻ ഇടറിവീണു തിരിഞ്ഞു നോക്കിയ നീണ്ട പാതകളി-
ലെവിടെയെങ്കിലും നിന്റെ സാന്നിധ്യം ഉണ്ടായിരുന്നുവോ?
അറിയില്ല, അറിയില്ല എനിക്കൊന്നും”

“ഒരു വാക്കിനാൽ യാത്ര ചൊല്ലി പിരിയുന്നില്ലാരുമിവിടെ!!!” 

“തുടരണമോ പകുതിക്ക് വച്ച് നിർത്തി തിരിച്ചുപോകണമോ എന്ന ചോദ്യത്തിന് ഉത്തരമില്ലാത്ത തുടങ്ങിവച്ച യാത്രകൾ എപ്പോഴും ദുഷ്കരമായിരിക്കും”

“മഞ്ഞുതുള്ളികളിലേക്ക് ഒരു മടക്കയാത്ര പോകണം
ഒരിക്കൽ കൂടി ഇറ്റിറ്റ് വീഴാൻ”

“തെറ്റുകൾ അംഗീകരിക്കാത്തപ്പോഴാണ് സ്വയം തിരുത്താൻ തയ്യാറാവാത്തത്. തെറ്റുകൾ അംഗീകരിച്ചാൽ തീരാവുന്ന പ്രശ്നങ്ങളെ ഉണ്ടാവാറുള്ളൂ പലപ്പോഴും. അത് മടക്കയാത്ര എളുപ്പമാക്കും, തെറ്റായ പാതകളിൽ നിന്നും”

“ഒന്നും പറയാതെ പ്രിയപ്പെട്ട പലരും നമ്മുടെ ജീവിതത്തിൽ നിന്നും യാത്രയാവുമ്പോൾ
എന്തൊക്കെ കഥകളാവും പൂരിപ്പിക്കാത്ത സമസ്യകൾപോൽ ബാക്കിവെച്ചിട്ട് പോവുക!”

“പുതിയ വേദനകൾ ശീലമല്ലാത്തതുകൊണ്ട് പഴയ വേദനകളുടെ ലോകത്തേക്ക് ഒരു മടക്കു യാത്ര “

Image source: Pixabay

Also read: ഹൃദയ സ്പന്ദനങ്ങൾ Quotes