താരാട്ട്

by Sandy · January 7, 2017

“നിനക്കായ് മൂളുന്നു ഞാൻ
എൻ ചുടുനിശ്വാസങ്ങൾ പതിയാത്തൊരാ ഈണങ്ങളെ
നിനക്കായ് കരുതുന്നു ഞാൻ
എൻ കാൽപാടുകൾ പതിയാത്തൊരാ വീഥികളെ”

“നിനക്കായ് പാടുന്ന താരാട്ടുപാട്ടിനോ
എൻ മനസ്സിന്റെ ഈണമോ ഒന്നുമില്ല
നിനക്കായ് തീർത്തൊരാ സ്വപ്നസൗധത്തിനു
എൻ വീണ നിണപ്പാടുമൊന്നുമില്ല “

“ഇന്ന് നീ എനിക്കായ് നീട്ടിതരുതുന്നൊരാ
പുഞ്ചിരിപൂമൊട്ടിനെ
വിരിയിച്ചു വസന്തമായ് തിരികെനൽകാൻ
കഴിയില്ലൊരിക്കലും കഴിയില്ലൊരിക്കലും “

“അമ്മയ്ക്ക് ലോകത്ത് ഏറ്റവും നിഷ്കളങ്കത്വം തോന്നുന്നത് സ്വന്തം കുഞ്ഞിന്റെ മുഖത്ത് തന്നെയാ. ലോകത്തെ ഒരമ്മയ്ക്കും അത് നിഷേധിക്കാൻ ആവില്ല “

Image source: Pixabay

(Visited 49 times, 1 visits today)