വിരഹം/വേദന
“ഹൃദയം ഉള്ളവർക്ക് വേദനകളിൽ നിന്നും അകലുക എളുപ്പമല്ല!!!”
“മരുഭൂമിയിൽ ഞാൻ തളിർത്തു കണ്ടൊരാ ഹിമകണം
കള്ളിമുള്ളിൽ നീയൊളിപ്പിച്ച എന്റെ കണ്ണുനീർ പുഷ്പങ്ങളായിരുന്നു”
“കള്ളിമുള്ളിൽ നീ തീർത്ത ഹിമകണങ്ങൾ
പുഷ്പ്പിക്കുന്നതും കാത്തിരിക്കുന്നു ഞാൻ
എന്നാൽ പുതിയ വേലകളുമായ്
അനേകം കാതം നീ കടന്നുപോയി”
“വേല കഴിഞ്ഞു നീ തിരിച്ചുപൊകീടവേ
എല്ലാമേ പഴയതുപോൽ നീ തിരിച്ചുവച്ചു
ആമോദിച്ചു നിന്നെ സ്വന്തമാക്കിയ ആ മനസ്സ് മാത്രം
കൊണ്ടുകടന്നു കള്ളൻ….”
“നൊമ്പരങ്ങളിൽ സന്തോഷം കണ്ടെത്തിയാൽ ജീവിതം അങ്ങനെയങ്ങു തള്ളിനീക്കാമായിരിക്കും, അല്ലേ?”
“നീ ആരെയും മനസ്സ് തൊട്ടറിഞ്ഞിട്ടില്ല
എങ്കിൽ ഒരുപക്ഷെ എന്റെ മനസ്സ് വായിച്ചെടുത്തേനേ …….”
“വാഗ്ദാനങ്ങൾ കിട്ടാതെയും ചിലർ കാത്തിരിക്കാം വർഷങ്ങളോളം, കൈവിടില്ല എന്ന ഒറ്റ ഉറപ്പിൽ. എന്നാൽ ‘ഞാൻ നിനക്ക് പ്രതീക്ഷകൾ നൽകിയില്ലല്ലോ’ എന്ന് ഓർത്ത് മറ്റേ ആൾ ഒഴിഞ്ഞുമാറുമ്പോൾ അറിയപ്പെടാതെ പോകുന്ന ആ മനസ്സുണ്ടല്ലോ…. അതിനെ പകരം വയ്ക്കാൻ ഒന്നുമില്ല ഈ ലോകത്തിൽ…… “
“വാക്കാൽ കൊടുക്കുന്നത് മാത്രമാണോ വാഗ്ദാനങ്ങൾ? “
“സ്നേഹിച്ച് മുറിവേൽപ്പിച്ച് കടന്നുകളയുന്നവർക്ക് അറിയില്ല
“പ്രണയം” എന്ന മൂന്നക്ഷരത്തിൽ ഒതുങ്ങുന്നതല്ല അതിന്റെ മുറിപ്പാടുകൾ എന്ന്
ഒരിക്കലും ആത്മാർത്ഥസ്നേഹത്തെ വഞ്ചിക്കരുത്
കാലം നിന്നോട് തീർച്ചയായും പക വീട്ടിയിരിക്കും ഉറപ്പ് “
“ഹൃദയങ്ങളെ വഞ്ചിക്കുന്നവന് നരകത്തിൽ പോലും സ്ഥാനമില്ല “
“ആ വിധിക്ക് ഒരാൾ മനപ്പൂർവം കാരണക്കാരനാണെങ്കിൽ അയാളെ വെറുതെവിടണോ? ആ തെറ്റ് അയാൾ ആവർത്തിക്കാൻ പാടില്ല. മറ്റൊരാളുടെ മിഴികൾ വിധിയുടെ പേരിൽ നനയാൻ പാടില്ല”
“വിവാഹങ്ങൾ എല്ലാം സ്വർഗ്ഗത്തിലേ നിശ്ചയിച്ചുറപ്പിച്ചവ എങ്കിൽ എന്തുകൊണ്ട് പ്രണയങ്ങൾ സംഭവിക്കുന്നു, മോഹഭംഗങ്ങളും “
“സ്നേഹത്തിന്റെ വില ഏറ്റവും നന്നായി മനസ്സിലാക്കുന്നത്
അത് ഒരു തവണയെങ്കിലും നഷ്ടപെട്ടവനായിരിക്കും “
“സ്നേഹമെന്തെന്നു പഠിപ്പിക്കാൻ വേണ്ടി മാത്രം വഴിതെറ്റി നമ്മുടെ ജീവിതത്തിൽ എത്തിച്ചേരുന്ന ചില മനുഷ്യരും അനുഭവ കഥകളും “
“മടക്കി വിളിക്കാത്ത കാരണം നടന്നകലുന്ന എത്രയോ പ്രിയപ്പെട്ടവർ !!!! “
“നീ നൊമ്പരപ്പെടുമ്പോൾ എന്തേ എന്റെ മനം ഇളകിയാടുന്നു
ജലതുള്ളികൾ പതിച്ച തുമ്പില പോലെ”
or
“നീ നൊമ്പരപ്പെടുമ്പോൾ എന്തേ എന്റെ മനം ഇളകിയാടുന്നു
ജലതുള്ളികൾ പതിച്ച തുമ്പപ്പൂവിൻ ഇതൾ പോലെ “
“മനസ്സുകൾ തമ്മിൽ കോർത്തിണക്കിയ വാക്കുകളുടെ അദൃശ്യ ചരട് പെട്ടെന്നാരോ പൊട്ടിച്ചെറിഞ്ഞപോലെ”
“അവളുടെ മനസ്സിന്റെ വ്യാകുലത ആണോ അവന്റെ കണ്ണുകളിൽ അവൾ നിഴൽ വീശി കണ്ടത്”
“നിൻ മനസ്സൊന്നു ചഞ്ചലപ്പെടുമ്പോൾ എൻ മനസ്സ് അലയുന്നത് ചെകുത്താന്റെ പണിപ്പുരയിലെവിടെയോ”
“സ്വപ്‌നങ്ങൾ ഇനിയും കടം കൊടുക്കാൻ ആവില്ല എനിക്ക്, എല്ലാം എനിക്ക് വേണം.”
“ആരോ എൻ ആശാദീപങ്ങളും സ്വപ്നങ്ങളും വീണ്ടും തിരിയിട്ട് കൊളുത്തിയ പോലെ…..”
“മനസ്സിൻ സാമീപ്യം അളക്കുന്നത് നിമിഷങ്ങളാൽ, സമയത്താലല്ല “
“അവളുടെ മുഖത്തെ പുഞ്ചിരി വെറുമൊരു കള്ളനാണയമായിരുന്നു “
“ഉള്ളിലെ സ്നേഹം വെറുമൊരു പുഞ്ചിരിയിൽ ഒളിപ്പിക്കുക എളുപ്പമല്ല”
“വേദനയിലെ പുഞ്ചിരിക്ക് അർത്ഥങ്ങൾ ഒരായിരം ഉണ്ട് “
“കാത്തിരിപ്പിൻ സുഖമൊന്നു വേറെ തന്നെ വാഗ്ദാനങ്ങൾ കൈമാറ്റം ചെയ്യാതെ മൗനമായ് വിടചൊല്ലിയെങ്കിലും….. തിരിച്ചെത്തും എന്നുറപ്പുണ്ടെങ്കിൽ”
“നല്കുമെന്നുറപ്പുള്ള ഒരു വാക്കിന്റെ കാത്തിരിപ്പ് ഒരിക്കലും മടിപ്പുണ്ടാക്കുന്നില്ല “
“മഴത്തുള്ളികൾ പോലെ മനസ്സിൽ വന്നു പെയ്യുന്ന/പെയ്തിറങ്ങുന്ന ഒരായിരം ചിന്തകൾ “
“സ്വപ്‌നങ്ങൾ വില കൊടുത്ത് വാങ്ങാൻ കഴിഞ്ഞെങ്കിൽ
ഞാൻ എന്റെ ഇന്നലെകളെ തീറെഴുതിയേനെ”
“ജീവിതത്തിൽ ഒന്നും തിരിച്ച് പ്രതീക്ഷിക്കരുത്. എന്നാൽ മറ്റുള്ളവർ പ്രതീക്ഷിക്കുന്നതിലും കൂടുതൽ നല്കാനാവണം.”
“മനസ്സ് നിൻ സാമീപ്യം അളക്കുന്നത് നിമിഷങ്ങളാൽ, സമയത്താലല്ല “
“സ്വന്തമെന്നോർത്ത് മുറുകെ പിടിക്കുംതോറും അയഞ്ഞുപോകുന്നതാണ് സ്നേഹബന്ധങ്ങളിൽ പലതും”
“ഒരു കടലോളം സ്നേഹം ഉള്ളിൽ സൂക്ഷിച്ചു വച്ചിട്ട്
ഇരുകരയറിയാതെ സ്വച്ഛന്ദമായ് ഒഴുകിനടക്കുന്ന അനേകം പുഴകളുണ്ട്……”
“നിൻ വേദനകൾ പോലും കൈമാറാൻ നീ മടിച്ചു……”
“അനശ്വര പ്രണയമായി ലോകം വാഴ്ത്തുന്നവയെല്ലാം സഫലമാവാത്തവയാണ്…. വിചിത്രം എന്നാൽ സത്യം !!!!”
“നീ കൊട്ടിയടച്ച ഹൃദയവാതിലിനു മുന്നിൽ എൻ മിഴിനീരാൽ തെളിയിച്ച ദീപവുമായ് നിൽപ്പൂ ഞാൻ, കൺചിമ്മുമ്മാ ആകാശദീപങ്ങൾ സാക്ഷി”
“മരിച്ച പ്രണയങ്ങൾക്ക് സ്മാരകങ്ങൾ പണിയുന്നതിനേക്കാൾ നല്ലതല്ലേ ജീവിച്ചിരിക്കുമ്പോൾ അവയ്ക്ക് വർണങ്ങൾ നൽകുക….. ?”
“ചില കാത്തിരിപ്പുകൾ വെറുതെയാണ്…. കഥകൾ ആവർത്തിക്കപ്പെട്ടേക്കാം “
“പോകണമെന്ന് ആവർത്തിച്ച് പറഞ്ഞുനിൽക്കുന്നവരെ പോകാൻ അനുവദിക്കുക. അവർ പോകാനുള്ളവർ തന്നെയാണ്. അനുവാദത്തിനു കാത്തുനിൽക്കുന്നു എന്നുപറഞ്ഞാൽ വിഡ്ഢി വാക്കാകും”
“മടക്കി വിളിക്കും എന്ന പ്രതീക്ഷയിൽ പിണക്കം നടിച്ചകലാം. പക്ഷെ അതിനായ് അവർ കാത്തിരിക്കുകയായിരുന്നു എന്ന് തിരിച്ചറിയേണ്ടി വന്നാലോ?”
“എന്റെ ഹൃദയം നിന്നെ ഏൽപിച്ച് മടങ്ങണം ഈ ലോകത്ത് നിന്ന്…
എൻ ഹൃദയ തുടിപ്പുകൾ നിനക്ക് പകർന്ന് നൽകികൊണ്ട്…..”
“മാറ്റമില്ലാതെ തുടരുന്ന കാത്തിരിപ്പുകൾ
പലർക്കായി പലകാലങ്ങളിൽ”
“ഹൃദയത്തിൽ ചുമക്കുന്നവർ വേദന നൽകുമ്പോൾ
ഹൃദയഭാരം ഇറക്കി വയ്ക്കാനാവില്ല അവരുടെ മുന്നിൽ “
“കൊടുംകാറ്റുകൾ ഉള്ളിലൊതുക്കുന്നവരെ അസ്വസ്ഥരാക്കാൻ കുഞ്ഞിളംകാറ്റിനു കഴിഞ്ഞേക്കാം. അതെപ്പോഴും അങ്ങേനെയാണ്, വലിയ ദുഃഖങ്ങൾ താങ്ങുന്നവർക്കസഹനീയം നിസാര കാര്യങ്ങളാവും “
“വലിയ വേദനകളെ കുഞ്ഞു നൊമ്പരങ്ങളായ് പ്രകടിപ്പിക്കുന്നു ചിലർ…..”
“എനിക്കായ് മാത്രം തുളുമ്പേണ്ട നിൻ ആർദ്ര മിഴികളിൻ
ആഴങ്ങളിൽ കാണുന്നത്
എനിക്കായ് നീ കരുതിവച്ച
ജന്മാന്തരങ്ങളിൽ അലിഞ്ഞില്ലാകാത്ത വെറുപ്പിൻതുള്ളികൾ”
“മിഴിയിമകൾ അറിയാത്ത കണ്ണുനീർതുള്ളികൾക്ക്
ആഴം കൂടുതലാണ്
നീറ്റൽ കൂടുതലാണ്”
“ഇരുകരകളായ് നാം ഒഴുകിയേനെ
രണ്ടു ദ്രുവങ്ങളിൽ ചെന്നെത്തി ചേർന്നേനെ
നീ എന്നെ അന്ന് പിടിച്ചുനിർത്തിയില്ലായിരുന്നെങ്കിൽ”
“ചിലർക്ക് നഷ്ടങ്ങൾ മാത്രമാണ് എപ്പോഴും വിധിക്കപ്പെട്ടിട്ടുള്ളത്
അതിനവർ ഉത്തരവാദികൾ അല്ലെങ്കിലും”
“ആഴം കൂടുമ്പോഴാണോ സ്നേഹം അളക്കപ്പെടാൻ കഴിയാതെ പോവുന്നത്?”
“ആഴം കൂടുമ്പോളാണ് സ്നേഹം അറിയപ്പെടാതെ പോകുന്നത് എന്നൊരു തോന്നൽ!!! അത് എന്റേതുമാത്രമോ? സ്നേഹം കൂടുമ്പോൾ പ്രകടനങ്ങൾ കുറയും, അതാണ് കാര്യം…..
നഷ്ടപ്പെടും എന്ന് ഉള്ളിൽ പേടി തോന്നുന്നവരെയാണ് നാം പിടിച്ചു നിർത്താറ്, പ്രകടനങ്ങളിലൂടെ”
“ജീവിതം വീണ്ടും ജീവിക്കാൻ/ജീവിച്ചു തീർക്കാൻ ശ്രമിച്ചു തുടങ്ങിയത് ആ നിമിഷം മുതൽ…..
നിനക്ക് ഞാനാരുമല്ല എന്ന് നീ തീർത്തു പറഞ്ഞൊഴിഞ്ഞ സായാഹ്നം മുതൽ….. “
“എന്നിലെ കടലോളം സ്നേഹത്തിൻ
ഒരു കുമ്പിലെങ്കിലും
നിൻ ഹൃദയത്തിൽ നീ കരുതിയെങ്കിൽ
ഭൂമിയിൽ എനിക്കായ് ഒരു സ്വർഗം നീ തീർത്തേനേ”
“ശരിക്കും മരിക്കുന്നതിന് മുമ്പ് എത്രയോ മനുഷ്യരുടെ മനസ്സിൽ നാം മരണപ്പെട്ടിട്ടുണ്ടാവാം, പലപ്പോഴും ഒന്നിൽ കൂടുതൽ തവണ”
“നീ കുറിച്ച താളിലെ വരികൾ നിറം മങ്ങിയിരിക്കുന്നു
ഞാൻ പിന്നീട് കുറിച്ചതും എല്ലാം അക്ഷരതെറ്റുകൾ
മഷിയുടെ വർണങ്ങളും മാറിത്തുടങ്ങി
വിധിയുടെ കയ്യെഴുത്തുകൾ നമുക്കായി കൈമാറിയപ്പോൾ “
ഞാൻ പിന്നീട് കുറിച്ചതും എല്ലാം അക്ഷരതെറ്റുകൾ
മഷിയുടെ വർണങ്ങളും മാറിത്തുടങ്ങി
വിധിയുടെ കയ്യെഴുത്തുകൾ നമുക്കായി കൈമാറിയപ്പോൾ “
“നമ്മൾ ഇരുവർക്കുമിടയിൽ കാലം ഇങ്ങനെ
കുത്തൊഴുക്ക് പോൽ ഒഴുകിയിറങ്ങുന്നു
ഇരുകര തമ്മിലെ അകലങ്ങൾ അനുദിനം
ഇരുമനമറിയാതെ നീക്കിയകറ്റുന്നു”
കുത്തൊഴുക്ക് പോൽ ഒഴുകിയിറങ്ങുന്നു
ഇരുകര തമ്മിലെ അകലങ്ങൾ അനുദിനം
ഇരുമനമറിയാതെ നീക്കിയകറ്റുന്നു”
“പലതും ചൊല്ലി തന്നു കടന്നു പോകുവാൻ മാത്രം
സ്വന്തം വഴിമാറി നമുക്കൊപ്പം ക്ഷണനേരം (അൽപ്പദൂരം) നടക്കുന്നവർ….. “
സ്വന്തം വഴിമാറി നമുക്കൊപ്പം ക്ഷണനേരം (അൽപ്പദൂരം) നടക്കുന്നവർ….. “
“പ്രിയനല്ലായിരുന്നു നീ എനിക്കന്ന് ഇത്രയേറെ
എൻ വരികളിലൂടെ അമരത്വം നൽകുകയായിരുന്നു!
വാക്കുകളിലൂടെ നിന്നോട് കൂടുതൽ അടുത്തുകൊണ്ടേയിരുന്നു……
നീ അത് ഒരിക്കലും വായിച്ചെടുത്തില്ലെങ്കിലും!!!!! “
എൻ വരികളിലൂടെ അമരത്വം നൽകുകയായിരുന്നു!
വാക്കുകളിലൂടെ നിന്നോട് കൂടുതൽ അടുത്തുകൊണ്ടേയിരുന്നു……
നീ അത് ഒരിക്കലും വായിച്ചെടുത്തില്ലെങ്കിലും!!!!! “
“എന്റെ മനസ്സിൽ നീയുണ്ടാവും
ഉടയാത്തൊരു രൂപമായി എന്നുമെന്നും
നീ അകലെയെങ്കിലും ചാരെയാണെങ്കിലും…….
നീയായിട്ട് അത് നഷ്ടപ്പെടുത്താതിരുന്നാൽ മതി”
ഉടയാത്തൊരു രൂപമായി എന്നുമെന്നും
നീ അകലെയെങ്കിലും ചാരെയാണെങ്കിലും…….
നീയായിട്ട് അത് നഷ്ടപ്പെടുത്താതിരുന്നാൽ മതി”
“പ്രിയമായ പലതും ബാക്കിയില്ലെന്നോർത്ത്
തിരിഞ്ഞു നോക്കുവാൻ കൊതിക്കാത്ത
ഒറ്റയടിപാതിയിൽ പദമൂന്നി നടന്നകലുന്നവർ
തിരയുന്നിലൊരിക്കലും
സ്നേഹത്തോടെ അവർക്ക് ചുറ്റും നിന്ന്
സ്നേഹവായ്പോടെ അവരെ നോക്കുന്നവരെ”
തിരിഞ്ഞു നോക്കുവാൻ കൊതിക്കാത്ത
ഒറ്റയടിപാതിയിൽ പദമൂന്നി നടന്നകലുന്നവർ
തിരയുന്നിലൊരിക്കലും
സ്നേഹത്തോടെ അവർക്ക് ചുറ്റും നിന്ന്
സ്നേഹവായ്പോടെ അവരെ നോക്കുന്നവരെ”
“കഥയറിയാതെ മൗനത്തിന്റെ ഇരുപുറവും നിന്ന് ഉരുകുന്ന മെഴുകുതിരികളും ഉണ്ട് “
“ഉത്തരങ്ങളുടെ കാത്തിരിപ്പിലാവും പലരും
മിണ്ടാതകലുന്നവർ അതിനർത്ഥം ചികയാറില്ല
പരിഭവങ്ങൾ പലതും മനസ്സിൽ കുറിക്കുന്നവർ”
മിണ്ടാതകലുന്നവർ അതിനർത്ഥം ചികയാറില്ല
പരിഭവങ്ങൾ പലതും മനസ്സിൽ കുറിക്കുന്നവർ”
“ഒരു ചെറു പുഞ്ചിരിക്കും പറയാനുണ്ടാവും
ഉള്ളിലൊതുക്കിയ ഒരായിരം
വേലിയേറ്റങ്ങളുടെയും ഇറക്കങ്ങളുടെയും കഥ “
ഉള്ളിലൊതുക്കിയ ഒരായിരം
വേലിയേറ്റങ്ങളുടെയും ഇറക്കങ്ങളുടെയും കഥ “
“പിരിഞ്ഞു പോകുന്നവർക്കാണ് നഷ്ടം, എനിക്കല്ല എന്ന് ചിന്തിക്കാൻ കഴിയണം
ഞാൻ എന്ന വ്യക്തിത്വത്തെ സ്വയം അംഗീകരിക്കുന്നതിന് തുല്യമാണത്”
ഞാൻ എന്ന വ്യക്തിത്വത്തെ സ്വയം അംഗീകരിക്കുന്നതിന് തുല്യമാണത്”
“തെറ്റിദ്ധാരണകൾകൊണ്ട് ഒരാളുടെ മനസ്സ് മനഃപൂർവം വേദനിപ്പിച്ച് നാം അകലാം. പക്ഷെ പിന്നീടൊരിക്കൽ തെറ്റ് ബോധ്യപ്പെട്ടാൽ അതിന്റെ പതിന്മടങ്ങു വേദനിക്കുന്നത് നമ്മുടെ മനസ്സായിരിക്കും”
“ചിലർ ഇല്ലാത്ത കാരണങ്ങൾ ഉണ്ടാക്കി ഒരു വാക്കുപോലും ഉരിയാടാതെ ഇഷ്ടപെട്ടവരുടെ കൈപിടിച്ച് നടന്നകലും ഉത്തരമില്ലാ ചോദ്യങ്ങൾ അന്ത്യചുംബനങ്ങളായ് നൽകികൊണ്ട്”
“മനസ്സ് നിൻ സാമിപ്യം അളക്കുന്നത്
നമ്മളിലൂടെ കാലമിത്രയും കടന്നുപോയ സമയത്താലല്ല,
മറിച്ച് മനസ്സിനെ സ്പർശിച്ചുപോയ ഒരുപിടി നിമിഷങ്ങളിൽ”
“നിന്നെ വിശ്വസിക്കാത്തവരെങ്കിലും നിനക്ക് കണ്ണടച്ച് വിശ്വസിക്കാവുന്നവരുടെ ലോകത്താണല്ലോ നീയിപ്പോൾ. അവിടെ നിനക്കൊരു സ്വർഗം കാണാൻ കഴിയുന്നെങ്കിൽ നിന്റെ സന്തോഷത്തിൽ ഞാൻ സന്തുഷ്ടയാണ്”
“നിന്റെ ഓർമ്മകൾ ഇല്ലാത്ത ഒരു സ്പേസ് എനിക്ക് വേണം എനിക്കായി മാത്രം!!!“
“കരയുവാൻ കുറച്ചു കണ്ണുനീർ കടം തരാൻ ആളുണ്ടോ?“
“ചിത്തത്തിൻ ചിത🔥🔥”
“ആശയമുകുളങ്ങൾ ഞെരിഞ്ഞമരുന്നു സർവവും
അവ മുളച്ച ചിത്തത്തിൻ ചിതയിൽ തന്നെ”
അവ മുളച്ച ചിത്തത്തിൻ ചിതയിൽ തന്നെ”
“നാളെകൾ കണ്ണുനീർ വാഗ്ദാനം ചെയ്തില്ലെങ്കിൽ ഇന്നത്തെ വേദനകൾ കൊതിച്ചുപോകും“
“ഒരിക്കൽ അണിഞ്ഞ വേഷങ്ങളോട്കൂടി തന്നെ മരണപെട്ടുപോകുന്ന എത്ര പേർ….
വേഷങ്ങൾ അഴിച്ചു വെയ്ക്കണം എന്ന് ആഗ്രഹിച്ചാൽ പോലും കഴിയാത്ത നിസ്സഹായർ”
“എത്ര എത്ര പൊയ്മുഖങ്ങൾ കാണുന്നു ദിനംപ്രതി
ചിലർ നിവൃത്തികേടുകൊണ്ട്….
ചിലർ ചതിയന്മാർ……
പല പൊയ്മുഖങ്ങൾക്ക് പുറകിലും നന്മ ഉണ്ട്
ഒരിക്കലും അറിയാതെ പോകുന്ന സത്യങ്ങൾ ഉണ്ട്….”
“ചിരിക്കുന്ന സ്വരത്തിൽ കരയുന്ന മനസ്സ്” #GustakhDil #Song
“കള്ളം പറഞ്ഞു ഒഴിവാക്കുന്നത് വല്ലാത്തൊരു വേദന തന്നെയാ, എത്ര ന്യായീകരിച്ചാലും”
“നിശബ്ദവാതിലിനു മുന്നിൽ
കാത്തിരുന്നു ഞാൻ യുഗങ്ങളോളം
പല ഉത്തരങ്ങൾക്കായി
സ്നേഹത്തിനായി
എന്റെ വാക്കുകൾക്ക് ഭേദിക്കാനാവില്ല
താഴിട്ടുപൂട്ടിയ ആ ചില്ലുവാതിലിനെ
ശിശിരങ്ങളെത്ര കൊഴിഞ്ഞുപോയി
എത്ര ശരത്കാലങ്ങളും മഞ്ഞുതിർത്തു
എത്ര വർഷമേഘങ്ങൾ പെയ്തൊഴിഞ്ഞു
ഇന്നും കഥയത് തുടരുന്നു കാലാന്തരങ്ങളായി
എന്റെ കാത്തിരിപ്പുകളും”
കാത്തിരുന്നു ഞാൻ യുഗങ്ങളോളം
പല ഉത്തരങ്ങൾക്കായി
സ്നേഹത്തിനായി
എന്റെ വാക്കുകൾക്ക് ഭേദിക്കാനാവില്ല
താഴിട്ടുപൂട്ടിയ ആ ചില്ലുവാതിലിനെ
ശിശിരങ്ങളെത്ര കൊഴിഞ്ഞുപോയി
എത്ര ശരത്കാലങ്ങളും മഞ്ഞുതിർത്തു
എത്ര വർഷമേഘങ്ങൾ പെയ്തൊഴിഞ്ഞു
ഇന്നും കഥയത് തുടരുന്നു കാലാന്തരങ്ങളായി
എന്റെ കാത്തിരിപ്പുകളും”
“എനിക്കും ജയിക്കണം നിന്നെപ്പോലെ അഭിനയിച്ച്……..“
“നിനക്ക് എന്റെ മനസ്സ് വായിച്ചെടുക്കാൻ കഴിയുന്നില്ലെങ്കിൽ
ഞാൻ എന്ത് ചെയ്യാൻ
അത് പറഞ്ഞു തരാനുള്ള ഭാഷ എനിക്കറിയാത്ത പോയി!!”
“ഒരു പകൽ മുഴുവൻ തോരാതെ പെയ്തിറങ്ങുകയായിരുന്നു മഴ…..
അതുപോലെ എന്റെ നൊമ്പരങ്ങളും……🌧️⛈️”
“എത്ര ശക്‌തമായ ബന്ധമായാലും, അവഗണന ക്രമേണ അതിനെ കൊല്ലും“
“നീ ആരെയും മനസ്സ് തൊട്ടറിഞ്ഞിട്ടില്ല. എങ്കിൽ ഒരുപക്ഷെ എന്റെ മനസ്സ് വായിച്ചെടുത്തേനേ …..“
“ചിലർ ഇല്ലാ കാരണങ്ങൾ ഉണ്ടാക്കി
ഒരു വാക്കുപോലും ഉരിയാടാതെ
ഇഷ്ടപെട്ടവരുടെ കൈപിടിച്ച് നടന്നകലും….
ഉത്തരമില്ലാ ചോദ്യങ്ങൾ
അന്ത്യചുംബനങ്ങളായ് നൽകികൊണ്ട്…..”
“ചക്രവാള സീമ പോലെ കാഴ്ചയിൽ അടുപ്പം തോന്നിക്കാൻ വേണ്ടി മാത്രം ചില ബന്ധങ്ങൾ, ബന്ധനങ്ങൾ ……”
“ശിശിരത്തിന്റെ, വീണ ഓരോ ഇലയിലും
ഞാൻ നിനക്കായി എഴുതിയ പ്രണയലേഖനങ്ങൾ
നീയൊരിക്കലും വായിച്ചെടുത്തില്ല
കാലങ്ങൾ കടന്നുപോയി
ശിശിരങ്ങൾ പലതും കൊഴിഞ്ഞു പോയി
എൻ വാക്കുകളും മുറിഞ്ഞുപോയി
ഈ എന്നിൽ നിന്ന് തന്നെ….
നിനക്കായി ബാക്കിവയ്ക്കാൻ ഒന്നുമവശേഷിക്കാതെ
ബാക്കിവച്ച തേങ്ങലും ആ മാരിമുകിൽ കൊണ്ടുപോയി🍁💔”
“എന്റെ ജീവിതത്തിൽ നീ ഇല്ല എന്ന് പറഞ്ഞു കേട്ടാൽ
അപ്പൊ ഓടിക്കോളണം, കടിച്ചു തൂങ്ങി നിൽക്കരുത്
അതാണ് നമുക്ക് നമ്മളോട് ചെയ്യാൻ പറ്റുന്ന ഏറ്റവും വലിയ കാര്യം”
“ആവർത്തന വിരസതയില്ലാതെ കടന്നുപോകുന്ന ചില തനിയാവർത്തനങ്ങൾ”
“ആരുമില്ലാത്തവർക്ക് ആരും വേണ്ട
#വാസ്തവം”
“എത്രവട്ടം ഉടച്ചുവാർക്കും എന്നെ നീ ദൈവമേ
എത്രവട്ടം ഉലയിൽ നീറ്റും എന്നെ നീയിങ്ങനെ
മാറുന്നത് ഈ കാലം മാത്രം
മാറാത്തതോ ഈ ഞാനും നീയും”
“ഒരു മടക്കയാത്ര ഉണ്ടാവില്ലിനി
ഇടറിവീണൊരാ പാതയിൽ പൊളിഞ്ഞതോ
ഒരായിരം സ്വപ്ങ്ങൾ, സങ്കൽപ്പങ്ങൾ, വ്യാമോഹങ്ങളും”
“നിന്റെ മനസ്സുടയുന്നത് നിനക്ക് കണ്ടില്ലെന്നു നടിച്ചൂടേ “
“കടന്നു പോകുന്നു കാലം വീണ്ടും
പലതിനും ഉത്തരമേകാതെ”
പലതിനും ഉത്തരമേകാതെ”
“ആത്മാർത്ഥ സ്നേഹം ആർക്കും വേണ്ട എന്നതാണ് സത്യം
എല്ലാർക്കും വിശ്വാസം പ്രകടങ്ങളിൽ മാത്രം”
എല്ലാർക്കും വിശ്വാസം പ്രകടങ്ങളിൽ മാത്രം”
“വരികളിൽ ഒളിച്ചു നിൽക്കാതെ
വാക്കുകളിൽ മടിച്ചു നിൽക്കാതെ
വർണ്ണമഴയായ് പെയ്തുകൂടേ
വാർമഴവില്ലേ, നിനക്കിന്ന്?”
വാക്കുകളിൽ മടിച്ചു നിൽക്കാതെ
വർണ്ണമഴയായ് പെയ്തുകൂടേ
വാർമഴവില്ലേ, നിനക്കിന്ന്?”
“നിന്റെ കണ്ണുനീർതുള്ളികളിൽ പെയ്തൊഴിഞ്ഞ നക്ഷത്രമുത്തുകളെ പെറുക്കിയെടുക്കാൻ കൊതിച്ചിരുന്നു ഞാൻ, പണ്ടൊരിക്കൽ…
ആ മുത്തുകൾ കൊണ്ടൊരു കളിവീട് പണിയുവാനും”
ആ മുത്തുകൾ കൊണ്ടൊരു കളിവീട് പണിയുവാനും”
“അർത്ഥങ്ങൾ അനർത്ഥങ്ങളായ് ഉരുതിരിയുന്ന നിമിഷങ്ങൾ”
“ഒരു മടക്കയാത്രയ്ക്കിടയിൽ കണ്ടുമുട്ടിയവർ നാം
ഒന്നിച്ചു ചില കാതങ്ങൾ നടന്ന്, വീണ്ടും പിരിയുവാൻ”
ഒന്നിച്ചു ചില കാതങ്ങൾ നടന്ന്, വീണ്ടും പിരിയുവാൻ”
“നിന്റെ പേര് കോറിവരച്ചു പാറിപറത്തിയ ആ ഇരുണ്ടമേഘത്തെ
കാത്തിരിപ്പുണ്ട് ഞാനിവിടെ, ഭൂമിയുടെ ഒഴിഞ്ഞകോണിൽ
എന്റെ കണ്ണുകളിൽ വർഷമേഘത്തുള്ളികളായ്
ഇനി എന്ന് പെയ്തൊഴിയും നീ, ശ്യാമമേഘമേ?”
കാത്തിരിപ്പുണ്ട് ഞാനിവിടെ, ഭൂമിയുടെ ഒഴിഞ്ഞകോണിൽ
എന്റെ കണ്ണുകളിൽ വർഷമേഘത്തുള്ളികളായ്
ഇനി എന്ന് പെയ്തൊഴിയും നീ, ശ്യാമമേഘമേ?”
“മിടിക്കുന്ന ഹൃദയത്തിൽ എപ്പോഴും ജീവൻ വേണമെന്നില്ല
കാരണം എന്റെ ജീവവായു നീയായിരുന്നുവല്ലോ “
കാരണം എന്റെ ജീവവായു നീയായിരുന്നുവല്ലോ “
“ഞാൻ താളുകളിൽ കോറിയിടാത്ത വാക്കുകൾ പോലും വായിച്ചിരുന്നു നീ പണ്ടൊരിക്കൽ….
താളത്തിൽ കൊട്ടാത്ത പാട്ടുകൾ പോലും കേട്ടിരുന്നു പണ്ടൊരിക്കൽ
വാക്കുകൾ ചുംബിക്കാത്ത മൗനരാഗങ്ങളെ പോലും മാറോട് ചേർത്തിരുന്നു പണ്ടൊരിക്കൽ
അവയെല്ലാം വെറും ഓർമ്മകൾ മാത്രമായ് വിടവാങ്ങിപ്പോയ് പിന്നൊരിക്കൽ”
താളത്തിൽ കൊട്ടാത്ത പാട്ടുകൾ പോലും കേട്ടിരുന്നു പണ്ടൊരിക്കൽ
വാക്കുകൾ ചുംബിക്കാത്ത മൗനരാഗങ്ങളെ പോലും മാറോട് ചേർത്തിരുന്നു പണ്ടൊരിക്കൽ
അവയെല്ലാം വെറും ഓർമ്മകൾ മാത്രമായ് വിടവാങ്ങിപ്പോയ് പിന്നൊരിക്കൽ”
“ഞാനൊരു പാവം നീലക്കുറിഞ്ഞി
കുന്നുകളിൽ വസന്തം പുഷ്പിക്കുമ്പോൾമാത്രം
മാനവചിന്തകളിൽ വിടരുന്നവൾ!
അവൾ ഏകയായി കൺചിമ്മുമ്പോൾ
കൂട്ടേകാൻ അങ്ങ് വാനിലെ താരങ്ങൾ മാത്രം.
വീണ്ടും ഉറങ്ങുകയായ് അവൾ ഒരിക്കൽകൂടി
ഒരു വ്യാഴവട്ടത്തിനുശേഷം
ഓർമകളിൽ ഉണരുമെന്ന പ്രതീക്ഷയുമായി
അതുവരെ ആയുസ്സ് നീട്ടികിട്ടുമെന്ന വ്യാമോഹവുമായ്”
കുന്നുകളിൽ വസന്തം പുഷ്പിക്കുമ്പോൾമാത്രം
മാനവചിന്തകളിൽ വിടരുന്നവൾ!
അവൾ ഏകയായി കൺചിമ്മുമ്പോൾ
കൂട്ടേകാൻ അങ്ങ് വാനിലെ താരങ്ങൾ മാത്രം.
വീണ്ടും ഉറങ്ങുകയായ് അവൾ ഒരിക്കൽകൂടി
ഒരു വ്യാഴവട്ടത്തിനുശേഷം
ഓർമകളിൽ ഉണരുമെന്ന പ്രതീക്ഷയുമായി
അതുവരെ ആയുസ്സ് നീട്ടികിട്ടുമെന്ന വ്യാമോഹവുമായ്”
“നിനക്കായി എൻ ആകാശങ്ങളിൽ
ഞാൻ ചേർത്തുവച്ച നക്ഷത്രക്കൂട്ടങ്ങൾ
നീയൊരുവട്ടമെങ്കിലും നോക്കിനിന്നിട്ടുണ്ടോ?
ഒരു വട്ടമെങ്കിലും തൊട്ടുനോക്കാൻ ശ്രമിച്ചിട്ടുണ്ടോ?”
ഞാൻ ചേർത്തുവച്ച നക്ഷത്രക്കൂട്ടങ്ങൾ
നീയൊരുവട്ടമെങ്കിലും നോക്കിനിന്നിട്ടുണ്ടോ?
ഒരു വട്ടമെങ്കിലും തൊട്ടുനോക്കാൻ ശ്രമിച്ചിട്ടുണ്ടോ?”
“അന്നും ഇന്നും ഞാൻ ഒന്ന് തന്നെ,
പാവമൊരു നീലക്കുറിഞ്ഞി.
എനിക്ക് മാറ്റമില്ല!
എന്നാൽ എന്റെ യഥാർത്ഥ സൗന്ദര്യം-
നിങ്ങൾ കാണണമെങ്കിൽ
ഞാൻ കാത്തിരിക്കേണ്ടത് ഒരു വ്യാഴവട്ടം!
അതുവരെ മണ്ണിന്റെ മടിത്തട്ടിൽ
കൺചിമ്മും നക്ഷത്രങ്ങളെയും നോക്കി
കാത്തിരിപ്പിന്റെ ഇടനാഴിയിലെവിടെയെങ്കിലും
ഞാൻ മയങ്ങുന്നുണ്ടാവാം 💜🌪️”
പാവമൊരു നീലക്കുറിഞ്ഞി.
എനിക്ക് മാറ്റമില്ല!
എന്നാൽ എന്റെ യഥാർത്ഥ സൗന്ദര്യം-
നിങ്ങൾ കാണണമെങ്കിൽ
ഞാൻ കാത്തിരിക്കേണ്ടത് ഒരു വ്യാഴവട്ടം!
അതുവരെ മണ്ണിന്റെ മടിത്തട്ടിൽ
കൺചിമ്മും നക്ഷത്രങ്ങളെയും നോക്കി
കാത്തിരിപ്പിന്റെ ഇടനാഴിയിലെവിടെയെങ്കിലും
ഞാൻ മയങ്ങുന്നുണ്ടാവാം 💜🌪️”
“നീലകുറിഞ്ഞികൾ മരിച്ച നീല താഴ്വരകൾ”
“വേദനകൾ അടിപ്പിക്കുന്ന ഹൃദയങ്ങൾ
പിരിക്കുന്നതും വേദന തന്നെ”
പിരിക്കുന്നതും വേദന തന്നെ”
“നിനക്കായി കവിത കുറിക്കാൻ
കടമെടുത്ത വാക്കുകളിലൂടെ നിനക്ക് അമരത്വം നൽകിയതും
നിദ്രകൾ വഴിമാറി കണ്ണീരിനാൽ എഴുതിത്തള്ളിയതും
അറിയാതെ കടന്നു പോയ് നീയും
അതിനൊപ്പം കാലവും
ഉത്തരം നൽകാൻ പോലും കാത്തുനിൽക്കാതെ”
കടമെടുത്ത വാക്കുകളിലൂടെ നിനക്ക് അമരത്വം നൽകിയതും
നിദ്രകൾ വഴിമാറി കണ്ണീരിനാൽ എഴുതിത്തള്ളിയതും
അറിയാതെ കടന്നു പോയ് നീയും
അതിനൊപ്പം കാലവും
ഉത്തരം നൽകാൻ പോലും കാത്തുനിൽക്കാതെ”
“എന്റെ കഥയറിയാത്തവർ കൂടെ നിൽകുമ്പോൾ
കഥയറിയുന്നവർ വിട്ടുപോകുന്നതെന്തേ”
കഥയറിയുന്നവർ വിട്ടുപോകുന്നതെന്തേ”
“നമ്മളെ സന്തോഷിപ്പിക്കാൻ ശ്രമിക്കുന്നതിനേക്കാൾ ഓരോന്ന് പറഞ്ഞു ദുഃഖിപ്പിക്കാൻ ശ്രമിക്കുന്നവരുടെ എണ്ണമാണ് കൂടുതൽ…. ഉറ്റവർ ആയാൽ പോലും”
“ചില ബന്ധങ്ങൾ അകലെ നിന്ന് കാണാനാണ് സൗന്ദര്യം
കൂടുതൽ അടുപ്പിച്ചു അതിന്റെ ഭംഗി കളയരുത്”
കൂടുതൽ അടുപ്പിച്ചു അതിന്റെ ഭംഗി കളയരുത്”
“ഹൃദയം പിഴുതുകൊടുത്താലും അത് കാണാതെ പോവുന്നതിൽപ്പരമൊരു വേദനയില്ല ഈ ലോകത്തിൽ! വഞ്ചിക്കപ്പെട്ടു എന്നറിഞ്ഞാലും ഒരു ചെറുപുഞ്ചിരികൊണ്ട് നേരിടുന്നവർ എത്രപേർ, ക്ഷമിച്ചുകൊടുക്കുന്നവർ എത്ര? അറിഞ്ഞുകൊണ്ട് വിട്ടുകൊടുമ്പോഴും വിഡ്ഢി എന്ന നാമം ചാർത്തപ്പെടുമ്പോഴും അജ്ഞത നടിക്കാൻ കഴിയുന്നവർ എത്ര?”
“എപ്പോഴൊക്കെ സ്വയംമറന്നു ഞാൻ
ചുറ്റുമുള്ള സന്തോഷം ആസ്വദിച്ചുവോ,
അപ്പോഴെല്ലാം വിധി എനിക്ക് പകരംനൽകിയിട്ടുണ്ട്
ഇരട്ടി ദുഃഖം, എനിക്ക് താങ്ങാൻ കഴിയുന്നതിലുമേറെ.
ഇപ്പോൾ ആ മുറിപാടുകളെയെല്ലാം, എന്റെ വിണ്ണിലെ
തിളങ്ങുന്ന രാത്രിനക്ഷത്രങ്ങളായി അലങ്കരിച്ചിരിക്കുകയാണ്‌
പ്രവേശനവാതിലും അടച്ചിട്ടുണ്ട്, ഉള്ളിൽ ഇനി ഞാൻ മാത്രം”
“ജീവിതത്തിൽ ആരെയും ഒരു പരിധിക്കപ്പുറം സ്നേഹിക്കരുത്, ദുഃഖിക്കേണ്ടി വരും”
“കേട്ടില്ലെന്നു നടിച്ചു നീ താണ്ടുന്ന ഓരോ കാൽവെയ്പ്പും എനിക്ക് സമ്മാനിക്കുന്നത്
എനിക്ക് നിന്നിലേക്ക് എത്തുവാനുള്ള കാതങ്ങളുടെ അകലമാണ്”
“നമ്മുടെ വേദന മനസിലാക്കുന്നവർ ഒരിക്കലും നമ്മുടെ വേദനയ്ക്ക് കാരണമായിരിക്കില്ല” – Inspired
“മനസ്സുകളിൽ നിന്നും പടിയിറങ്ങുമ്പോഴാണ് ശരിക്കുള്ള മരണം സംഭവിക്കുന്നത് , നമ്മുടെ എക്സിസ്റ്റൻസ് പോലും മറ്റെയാൾ മറക്കുമ്പോൾ, മറന്നു പ്രവർത്തിക്കുമ്പോൾ, നിവർത്തികേടുകൊണ്ട് നോക്കിനിൽക്കേണ്ടി വരുമ്പോൾ 🍁🍁”
“എന്റെ പുറകെ വരാതിരുന്നാൽ മതി….
പൊയ്‌ക്കോളാൻ ഞാൻ എങ്ങോട്ടെങ്കിലും,
ആർക്കും ശല്യമാവാതെ”
“ജീവിതത്തിലെ ഏറ്റവും വലിയ ദുഃഖങ്ങളും നിരാശകളും സമ്മാനിക്കുന്നത്
ഹൃദയത്തോട് ഏറ്റവും ചേർന്ന് നിൽക്കുന്നവർ തന്നെയായിരിക്കും”
“മോശം സാഹചര്യത്തിൽ…
ഒറ്റയ്ക്കാണെന്നു അറിഞ്ഞിട്ടും
ഇട്ടിട്ട് പോവുന്ന സുഹൃത്തുക്കൾ
സുഹൃത്തുക്കൾ തന്നെയാണോ?”
“കേൾക്കാതെ പോകുന്ന വാക്കുകളാണ് എപ്പോഴും ഏറ്റവും വേദനാജനകം,
കേട്ടില്ല എന്ന് നടിക്കുന്നവയും……”
“എന്റെ കറുത്തവാനം ഇപ്പോൾ നിറച്ചിരിക്കുന്നത്
താരാജാലങ്ങളല്ല, മറിച്ച് കാർമേഘക്കൂട്ടങ്ങളാണ്
പെയ്തൊഴിയുന്നില്ല അവയുന്നൊന്നും
പകരം, കനൽപോലെ എരിയുകയാണ്,
മെല്ലെ പുകഞ്ഞു ഇല്ലാതായി തീരുകയാണ്.
നിനക്കതിൽ ഒന്നുമില്ലായെങ്കിൽ
എരിഞ്ഞു തീർന്നോട്ടെ ഞാൻ എന്നെന്നേക്കുമായി
പുകഞ്ഞുതീർന്നോട്ടെ ഞാൻ
കാൽപാടുകൾപോലും ബാക്കി വയ്ക്കാതെ”
“ഈ ലോകം എന്നെ ഒറ്റപ്പെടുത്തിയപ്പോൾ
എല്ലാവരും അധിക്ഷേപിച്ചപ്പോൾ
ക്രൂരവാക്കുകൾകൊണ്ട് ക്രൂശിച്ചപ്പോൾ
നിനക്കെങ്കിലും എന്നെ
കൂടെനിർത്താമായിരുന്നു
ഇന്ന് ഞാൻ നിനക്കാര്?
അതിനുത്തരം തരേണ്ടതും നീ തന്നെയല്ലേ
ഇനി അതിനായ് മറ്റൊരു കാത്തിരുപ്പ്
മഞ്ഞുതാഴ്വരകളിൽ നീലകുറിഞ്ഞികൾ
വാടിത്തളരും കാലം വരുവോളം”
“ഒരിക്കൽ തിരമാലകൾപോലെ ആർത്തിരമ്പി വന്ന ആ സ്നേഹം ഇന്നെവിടെ പോയി?🌪️💫✨💔”
“എൻ വാക്കുകൾക്കിടയിലെ മൗനനിശ്വാസങ്ങളെ
നീ എപ്പോഴെങ്കിലും വായിച്ചെടുത്തിട്ടുണ്ടോ?
ഞാൻ ഒളിപ്പിച്ചുവയ്ക്കുന്ന മൗനനൊമ്പരങ്ങളെ
നിൻ ശ്രുതികളിൽ കോർക്കാൻ കൊതിച്ചിട്ടുണ്ടോ?
വാക്കുകളിൽ പറയുന്ന കടംകവിതകൾ
വാക്കുകളിൽ തുളുമ്പുന്ന സ്നേഹവായ്പുകൾ
നിന്നിൽ രാത്രിമഴയായ് പെയ്തിറങ്ങുന്നുവോ-
എന്നറിയാൻപോലും കഴിയുന്ന ഒരു ഭാഷ
എവിടെയോ നഷ്ടമായില്ലേ, നമുക്കിരുവർക്കുമിടയിൽ?”
“നിങ്ങളുടെ യഥാർത്ഥ കഥ അറിയാതെ മോശമായി പെരുമാറുന്നവർ ഉണ്ടാവാം. എന്നാൽ, കഥ അറിഞ്ഞശേഷം അത് തന്നെ ആയുധമാക്കി കുത്തിനോവിക്കുന്നവർ, നിങ്ങൾ അതിനോട് പ്രതികരിച്ചാൽ ഇട്ടുപോകുന്നവർ…. എത്ര ഹൃദയശൂന്യർ ആയിരിക്കുമല്ലേ?”
“നിനക്കായ് വരികൾ കുറിയ്ക്കുമ്പോൾ
എന്റെ വേദന വാക്കുകൾ പലതിലും
ഒളിപ്പിക്കാറുണ്ട് പലപ്പോഴും
അവ നീ ചികഞ്ഞെടുക്കും എന്ന പ്രതീക്ഷയാൽ”
“അകന്ന പക്ഷികൾ തിരികെയെത്താൻ എത്രകാലം കാത്തിരിക്കണം?”
“നീലകുറിഞ്ഞികൾ മരിച്ച നീല താഴ്വരകൾ💜🌪️💔”
“അന്നും ഇന്നും ഞാൻ ഒന്ന് തന്നെ
പാവമൊരു നീലക്കുറിഞ്ഞി!
എനിക്ക് മാറ്റമില്ല
എന്നാൽ എന്റെ യഥാർത്ഥസൗന്ദര്യം
നിങ്ങൾ കാണണമെങ്കിൽ
ഞാൻ കാത്തിരിക്കേണ്ടത് ഒരു വ്യാഴവട്ടം!
അതുവരെ മണ്ണിന്റെ മടിത്തട്ടിൽ
കൺചിമ്മും നക്ഷത്രങ്ങളെയും നോക്കി
കാത്തിരിപ്പിന്റെ ഇടനാഴിയിലെവിടെയെങ്കിലും
ഞാൻ മയങ്ങുന്നുണ്ടാവാം💜”
“നിന്റെ വേദന കാണുമ്പോഴാണ്…..
ഞാൻ എന്റെ വേദന മറക്കുന്നത്
ഞാൻ അനുഭവിക്കുന്നത് നിസ്സാരമായി തോന്നുന്നത്
നീ എന്നെ വേദനിപ്പിക്കുന്നത് ക്ഷമിക്കുന്നത് :):”
“ഹൃദയം എത്ര തുറന്നു കാണിച്ചാലും അത് ചെമ്പരത്തിപ്പൂവാണ് എന്ന് പറയുന്ന പഴമൊഴി എത്ര സത്യമാണ് …. അല്ലെ?”
“വാക്കുകളെ എപ്പോഴും മൗനത്തിൽ അലിയിപ്പിക്കുന്ന ചെപ്പടിവിദ്യ നീ എവിടെ നിന്നാണ് അഭ്യസിച്ചത്?”
“ഞാനെഴുതുന്ന അക്ഷരങ്ങളിൽ
നിനക്ക് നിന്നെ വായിച്ചെടുക്കാൻ കഴിയുന്നില്ലെങ്കിൽ
നിന്നിൽ ഞാൻ എന്നോ ഒരു നാൾ മരിച്ചുപോയി എന്നാണ്,
ഒരുപക്ഷെ നിന്നെ നീ അറിയുന്നതിലും വളരെ പണ്ട്”
“ആർക്കും കൂടെ നിൽക്കാൻ താല്പര്യമില്ലല്ലോ
എല്ലാർക്കും പോവാനാണല്ലോ ഇഷ്ടം”
എല്ലാർക്കും പോവാനാണല്ലോ ഇഷ്ടം”
“മോഹം…
വീണ്ടും മഴത്തുള്ളികളിലേക്ക് മടങ്ങി
മറ്റൊരു തുള്ളിയായ്
മണ്ണിൽ വീണുടയുവാൻ
എന്നെന്നേക്കുമായി…. 💧💧”
“മറക്കുന്നതല്ല സ്നേഹിക്കാൻ….
ഒളിച്ചോടുന്നതുമല്ല ഒന്നിൽനിന്നും.
സ്നേഹിക്കുന്നവർ കൂടെയില്ല എന്ന് തിരിച്ചറിയുമ്പോൾ
അങ്ങനെ ജീവിക്കാൻ പഠിക്കുന്നതാണ്…..”
ഒളിച്ചോടുന്നതുമല്ല ഒന്നിൽനിന്നും.
സ്നേഹിക്കുന്നവർ കൂടെയില്ല എന്ന് തിരിച്ചറിയുമ്പോൾ
അങ്ങനെ ജീവിക്കാൻ പഠിക്കുന്നതാണ്…..”
“ചിലരെ മരണത്തിനു ശേഷം കീറി പഠിക്കും
മറ്റുചിലരെ ജീവനോടെ തന്നെ കീറി പഠിക്കും”
#പരീക്ഷണവസ്തു
മറ്റുചിലരെ ജീവനോടെ തന്നെ കീറി പഠിക്കും”
#പരീക്ഷണവസ്തു
Image courtesy: Pixabay
(Visited 2,849 times, 1 visits today)
വാക്കാൽ കൊടുക്കുന്നത് മാത്രമല്ല, എഴുതി കൊടുക്കുന്നതും വാഗ്ദാനങ്ങൾ തന്നെ . (ചുമ്മാ ) നന്നായിട്ടൊണ്ട് .ഇനിയുമെഴുതുക
🙂