മഴ നൃത്തം

പശ്ചാത്തല സംഗീതമൊരുക്കി കൊണ്ട്
ഇടിവെട്ട് തിരശീലക്കു പിന്നിൽ വന്നു നിൽപ്പുണ്ട്.
സോദരി പ്രകൃതീദേവിയെ
മനുഷ്യർ കുത്തി നോവിക്കുന്നതു കണ്ട്
മനംപൊട്ടി പിണങ്ങിപ്പോയ ജലദേവത
മഴനൃത്തവുമായ് തിരിച്ചണഞ്ഞുവെങ്കിൽ……
ഒരു കുമ്പിൾ മഴത്തുള്ളിയെങ്കിലും
ഈ വരണ്ട മണ്ണിൻ നാവു നനയ്ക്കാൻ നൽകി
തിരികെ പോയിരുന്നെങ്കിൽ……
മനുഷ്യന്റെ സ്വാർത്ഥതക്ക്
ബലിയാടായത് ഞാൻ….
മനുഷ്യന്റെ കാൽപ്പാടുകളെ
എൻ നെഞ്ചിലെ ചൂടിനാൽ
താങ്ങി നിർത്തിയ ഞാൻ
ഹതഭാഗ്യയായ ഈ ഭൂമീദേവി!!!

Image Courtesy: Pixabay